Radio ModestoAquí rematan -xa non era sen tempo- as Chuzanews. Agora, tocarán outro tipo de podcasts. Por certo, non menciono o autor e título do tema que soa ao comezo: Diet Coke de Rifle Nice. Queda clausurado este podcast.
Nota: en principio, só sairá en OGG. Por tocarlosgüevos.
Podcast: Play in new window | Download
Como o tema das Chuzanews ultimamente xa non daba máis de si, decidinlles dar o remate definitivo. Así que, como xa moita xente saberá, as 32 serán as derradeiras, e non haberá máis, a non ser que alguén queira recoller o relevo. Espero non crear expectativas excesivas, mais a miña intención é facer un final por todo o alto… e que non deixe ninguén indiferente.
Por fin unha nova edición! Desta volta, con novidades en Chuza!, como os Chíos ou a Chuzarrascada Nacional. Breve crónica do derradeiro concerto -polo de agora- dos Megaloves. Regresa o One Hit Wonder, agora en versión One Hit Wonder dun One Hit Wonder. A música CC desta volta é de The Vocoder Pop EP, de Elias Damian, que se pode baixar de aquí, en Jamendo.com.
Podcast: Play in new window | Download
Actualicei o PodPress á versión 8.1, que agora inclúe reprodutor en liña para os arquivos OGG Vorbis. Non vos queixaredes…
Xa están aquí! Desta volta, uns androides replicantes, medio reintegratas, medio neofalantes, secuestráronme e tomaron o control do podcast. Coido que hai música -agora baixo licenzas Creative Commons– e unha homenaxe a un documental e a varias efemérides destes días.
Podcast: Play in new window | Download
Por fin rematamos cos recompilatorios. Desta volta, o mellor dos podcasts 21 ao 25. Ademais, moitas novidades, homenaxe ás letras galaicolusoreintegracionistas e, sobre todo, voces novas.
Podcast: Play in new window | Download
Non houbo moitas contribucións, pero, aproveitando a inactividade do día do Traballo (que gran paradoxo), xa saíron do forno as novas Chuzanews, o podcast que non ten nada que ver con Chuza!
Recibimos dúas dedicatorias especiais para Nemigo, cuxo papel na rede galega nunca será o suficientemente valorado. Por certo, que poñendo alcumes vaise converter axiña no noso James Ford/Sawyer particular. 😉
Podcast: Play in new window | Download
Despois de moito tempo agardando, xa están aquí. E non só son un clip-show das CHN 13-20, senón que tamén inclúen unha convocatoria moi interesante.
Enviade as vosas mensaxes de apoio a Nemigo a chuzanews arroba gmail punto com.
Podcast: Play in new window | Download
Xa están traducidas practicamente todas as mensaxes deste blogcast, e púxenlle aí abaixo eses pequenos botóns promocionais, que non publicitarios. As chuzanews? Esta tarde, a ver.
Como xa explico no propio podcast, non puiden fuxir desta obriga moral. Advertencia: igual non senta ben se se escoita mentres se ERDF. A duración non está demasiado mal: vinte minutos. E, antes de que ninguén diga nada, porque a este blogueiro non lle gusta que lle corrixan as grallas, porque non ten, nin os fallos, que si que os ten pero non lle fai ningunha graza que llos boten á cara: onde digo “principios dos oitenta” debín dicir “finais dos oitenta”, concretamente 1988. De nada.
Podcast: Play in new window | Download